Спојувања и превземања ('M & A')

Ние сме специјализирани во планирањето и управувањето со М & А трансакции. Даваме поддршка и со фазата која претходи на трансакцијата како и по извршената трансакција, како на пример истискување на малцинските акционери.

Планирање

Клучно е и продавачот и инвеститорот се подготват внимателно за трансакцијата. Внимателното планирање овозможува да се подготви детален структура на предвидените чекори на трансакција.Продавачот и целните компании треба да бидат свесни за фактот дека постојат различни видови на инвеститори, кои имаат различни трансакциски цели на ум: додека стратешките инвеститори вообичаено имаат намера да инвестираат долгорочно, на пример, да ја зајакнат сопствената позиција на пазарот или да се генерираат синергии, финансиските инвеститори најчесто се фокусираат на зголемување на вредноста за да се постигне максимизација на профит на краток или среден рок.

Структура на трансакцијата

Клучно е да се избере соодветната структура на трансакцијата. Во Share Deal продавачот ги продава сите свои акции во целната компанија. Притоа, акциите се предметот на трансакцијата. Целната компанијата останува непроменета од трансакција. Во Asset Deal сепак, самата компанија ги трансферира своите деловни активности на купувачот. Оттука, средствата и обврските на друштвото се предмет на трансакцијата.

Постапка

Нема цврсти правила кога станува збор за постапката на М & А трансакции бидејки збир на правила никогаш нема да одговараат на мноштвото околности под кои се врши трансакцијата. Сепак, во практиката, најчесто се користат две воспоставени процедури: (класична) постапка на ексклузивни преговори ("еден-на-еден"), како и процес на контролирано или ограничено наддавање ("Ограничена Аукција"). Во неколку случаи се користи и процес на неограничено наддавање. Ова главно се случува во приватизации. Подолу можете да најдете преглед во однос на различните фази на двете главни постапки:

Еден-на- еден:

• Подготвителната фаза (на пр потенцијален купувач врши длабинска анализа. Подготовката на меморандум со информации)
• Приоѓа инвеститор
• Се преговара на писмото за намера
• Се потпишува на писмото на намери и договор за доверливост
• длабинска анализа
• Преговори во врска со купопродажниот договор
• Потпишување
• Затворање

Ограничена аукција:

• Подготвителната фаза (на пр потенцијален купувач врши длабинска постапка. Подготовката на меморандум со информации)
• Потпишување на договори за доверливост
• Доставување на меморандумот со информации
• Поднесување индикативни понуди
• Испитување на индикативните понуди; прием за вршење на длабинска анализа (вклучувајќи предлог на купопродажниот договор)
• Спроведена длабинска анализа и коментари за нацрт купопродажниот договор
• Испитување на конечната понуда и преговори (обезбедување ексклузивност кога постојат соодветни околности)
• Преговори во врска со купопродажниот договор (вклучувајќи и повеќе инвеститори и / или дозволување на продлабочување на длабинската анализа, доколку постојат погодната околности)
• Потпишување
• Затворање

Придружни мерки

Акционерски договори

Ако постои повеќе од еден акционер ќој остане по трансакцијата, вообичаено е да се регулирата "меѓусебните права и обврски со акционерски договор.

Реорганизации

Во текот на трансакцијата, корпоративната структура може да се промени поради организациски или фискални барања и на продавачот и на инвеститорот. Види реорганизации.

Антимонополско, Јавно право и Регулаторни одобренија

Ние ги поддржуваме нашите клиенти при добивање потребните антимонополски, јавно право и регулаторни одобренија, на пример во однос на спојувањето поднесоци (во согласност со националните и европското законодавство) или на одобренијата според австрискиот банкарски акт.

Пост-трансакциски мерки

По трансакцијата, клиентите имаат намера да ја оптимизираат новата структура од даночна гледна точка. Австриското даночно право на пример овозможува загубите на не-австриски субјекти да се пребијат со добивката на австриски ентитет лице - "даночна група". Исто така, новата структура често прави возможно да истискување на малцинските акционери. Затоа, ние, исто така, советуваме и при изработка на договори за пренос на добивка и "даночна група"-договори и истискивање на малцинските акционери.